Abanya-Kenya bari mu myigaragambyo muri Uhuru Park bahamagarira Perezida Ruto kwegura, banibuka abaguye mu myigaragambyo*
Mu gihugu cya Kenya, imbaga y’abaturage bateraniye muri Uhuru Park, mu mujyi wa Nairobi, bagaragaje umujinya ukomeye n’agahinda batewe n’ibibazo by’ubukungu biri mu gihugu ndetse na bagenzi babo baguye muri iyi myigaragambyo. Ndetse bakomeza gusaba Prezida William Ruto kuba yakwegura, bavuga ko ubuyobozi bumunaniye.
Abaturage benshi bagaragaye bafite ibyapa byanditseho amagambo akarishye yamagana ubutegetsi bwa Perezida Ruto, banaririmba indirimbo z’ubumwe n’ubutabera. Ibi byaturutse ku kuba abaturage benshi barashenguwe n’ubuzima bukomeye bwatewe n’izamuka ry’ibiciro by’ibicuruzwa by’ibanze n’ibindi bibazo by’ubukungu.
Muri iki gikorwa cyo kwigaragambya, hanavuzwe amazina y’abaguye mu myigaragambyo yabaye mbere, aho abaturage bibukaga bagenzi babo bishwe cyangwa bakomerekejwe mu gihe cyo kwigaragambya. Ibi byerekanye ko hari uburakari bukomeye ku buryo leta itita ku burenganzira bw’abaturage bwo kwigaragambya mu mahoro.
Uhuru Park ntabwo ari ho honyine habereye imyigaragambyo, kuko no mu yindi mijyi itandukanye nka Mombasa, Kisumu, na Eldoret naho hari ibikorwa by’imyigaragambyo. Abaturage bose bahuriye ku gusaba impinduka mu mitegekere y’igihugu no gusaba ko ibibazo by’ubukungu byakemurwa vuba na bwangu.
Abasesenguzi b’ibikorwa by’imyigaragambyo bavuga ko ibikorwa nka biriya bishobora gukomeza kwiyongera niba leta ya Perezida Ruto idashyizeho ingamba zihamye zo gukemura ibibazo by’ubukungu. Hari impungenge ko imyigaragambyo ishobora guhinduka imvururu zikomeye niba nta gikozwe.
Abanya-Kenya barasaba ko leta yashyira imbere ibiganiro bigamije gukemura ibibazo byugarije igihugu. Abaturage bifuza kubona ubuyobozi bushyira imbere inyungu zabo, bubaha uburenganzira bwabo, kandi bushakira ibisubizo ibibazo bafite by’ubukungu.
Imyigaragambyo yabereye muri Uhuru Park ni ikimenyetso cy’uko abaturage bifuza impinduka mu gihugu cyabo. Abategetsi barasabwa kumva ibyifuzo by’abaturage no gushakira hamwe ibisubizo birambye ku bibazo byugarije igihugu, kugira ngo abaturage babone amahoro n’iterambere rirambye.
